मोटरसाइकल अनियन्त्रित भएर दुर्घटना हुँदा चालकको मृत्यु

दमक : झापाको दमक नगरपालिका ३ स्थित भित्री सडकखण्डमा मोटरसाइकल अनियन्त्रित भई दुर्घटना हुँदा एकजनाको मृत्यु भएको छ ।

ताराबारीबाट गोलाटारतर्फ जाँदै गरेको प्रदेश १-०१-०१५ प ८७३६ नम्बरको मोटरसाइकल आफैँ अनियन्त्रित भई दुर्घटना हुँदा मोटरसाइकल चालक झापाको मेची नगरपालिका ५ का ३० वर्षीय सुनील लावतीको मृत्यु भएको हो ।

दुर्घटनामा घाइते भएका उनको बीएण्डसी अस्पताल बिर्तामोड लगिएकोमा उपचारको क्रममा मृत्यु भएको हो ।

घटना सम्बन्धमा इलाका प्रहरी कार्यालय दमकबाट थप अनुसन्धान भइरहेको प्रहरीले जनाएको छ ।