इटहरी २० तरहरामा ७ बर्षीय बालक सहित थप पाँचजनामा कोरोना भाइरस संक्रमणको पुष्टि भएको छ ।
इटहरी २० का वडाध्यक्ष मणिराम श्रेष्ठका अनुसार थपिएका पाँचजना मध्ये १३ बर्षीया बालिका, ७ र ८ बर्षीय बालक रहेका छन् । त्यस्तै, २० र ४० बर्षीय पुरुष रहेका छन् ।
कन्ट्याक्ट्र ट्रेसिङको आधारमा भदौ ३१ गरिएको पीसीआर परीक्षणको रिपोर्ट आज आउँदा थप पाँचजनामा कोरोना संक्रमण देखिएको श्रेष्ठले टाकुरालाई जानकारी दिए ।
उनका अनुसार आज देखिएका पाँचजना आफ्नै नातागोताका हुन् । उनीहरु मनशान्ति टोलमा बसोबास गर्दै आएको उनले बताए ।
हालसम्म इटहरी २० स्थायी ठेगाना भएर सम्पर्कमा रहेका २६ जनामा कोरोना संक्रमण देखिएको छ भने ठेगाना यहाँ लेखाएर बाहिर बस्ने ५ जना रहेका छन् ।
उनीहरुमध्ये १३ जना पूर्ण रुपमा निको भएर डिस्चार्ज भइसकेका छन् भने अन्य बाँकी सबैको सामान्य अवस्था रहेको श्रेष्ठले बताए ।
यो पनि – इटहरीमा ५ बर्षीया बालिकासहित आज एकैदिन ३४ जनामा कोरोना संक्रमण (कहाँ कति)
Discussion about this post