इटहरी (डेस्क) : धरानमा बीभत्स अवस्थामा फेला परेको शवको पहिचान अझै खुलेको छैन ।
जिल्ला प्रहरी कार्यालय सुनसरीका प्रहरी उपरीक्षक सञ्जयसिंह थापाका अनुसार गत फागुन ४ गते धरानमा फेला परेको शवको पहिचान अझै नखुल्दा हुलियाको स्केच तयार पारिएको छ ।
फागुन ४ गते साँझ पौने ७ बजे सुनसरी धरान ४ स्थित धरान–भेडेटार सडकखण्डको खर्दु सामुदायिक वन क्षेत्रमा निलो पहेंलो रंगको जेब्रा झोला फेला परेको थियो।
एसपी थापाका अनुसार बिहीबार बिहान प्रहरी खटाएर खोजी गर्ने क्रममा सोही प्रकृतिको जेब्रा झोलामा शरीरको अन्य भाग पनि भेटिएको हो ।
जङ्गलमा भेटिएका शरीरका विभिन्न भागलाई धरानस्थित वीपी कोइराला स्वास्थ्य विज्ञान प्रतिष्ठानको शव गृहमा राखेर सुक्ष्म ढङ्गबाट अनुुसन्धान सुरु गरिएको एसपी थापाले बताए ।
शरीरका पूर्ण भाग फेला परेपनि ती पुरूषको सनाखत हुन सकेको छैन। सनाखत नहुँदा प्रहरीलाई अनुसन्धान गर्न कठिन भएको छ। घटना रहस्यमय भएकाले आफूहरू अनुसन्धानकै क्रममा रहेको उनले बताए ।
घटनाको अनुसन्धानमा जिल्ला प्रहरी कार्यालय सुनसरी, इलाका प्रहरी कार्यालय धरान, संघीय प्रहरी इकाई कार्यालय धरान र १ नं। प्रदेश प्रहरीको ९आरआइटी० समूह परिचालित रहेको एसपी थापाले जानकारी दिए ।
Discussion about this post