इटहरी : निजी तथा आवासीय विद्यालय अर्गनाईजशन प्याब्सन इटहरी नगर समितिको अधिवेशनले पूण्यप्रसाद सापकोटाको अध्यक्षमा १५ सदस्यीय नयाँ कार्यसमिति चयन गरेको छ ।
इटहरीमा सम्पन्न दोस्रो नगर अधिवेशनले लिटिल फ्लावर इङ्लिस स्कूलका सापकोटाको अध्यक्षतामा १५ सदस्यीय नयाँ कार्यसमिति निर्विरोध निर्वाचित गरेको हो ।
नवनिर्वाचित सचिव राजेश कुमार श्रेष्ठका अनुसार समितिको उपाध्यक्षमा शिखर एकेडेमीका सूर्यमणी निरौला, सचिवमा इष्टवेष्ट पोइन्ट इङ्लिस स्कूलका राजेशकुमार श्रेष्ठ, सहसचिवमा पूर्वाञ्चल सेकेण्डरी स्कूलका सौधन राई र किड्स ह्याप्पी होम मन्टेश्वरीकी प्रिन्सिपल रीता भुषाल निर्वाचित भएका छन् । यस्तै, कोषध्यक्षमा सुनसरी किण्डर वल्र्ड स्कुलका हेमन्त भट्टराई, सह–कोषध्यक्षमा इटहरी नोबल एकेडेमीका राजेन्द ्रश्रेष्ठ, निर्वाचित भएका छन ।
समितिको सदस्यहरूमा बालबिकास इङ्लिस स्कूलका शिवनारायण चौधरी, शान्तिनगर स्कूलका प्रदीप बिष्ट, पर्फेक्ट इङ्लिस स्कूलका रामकुमार गिरी, डिभाइन लभ स्कुलकी अस्मिना राउत, भेलवेट एकेडेमीका भिक्टर पौडेल, सनराइज बोर्डिङ स्कूलका लक्ष्मी लिम्बू, नर्थ प्वाइन्ट सेकेण्डरी इङ्लिस स्कूलका राजन दाहाल र हिमाली इङ्लिस स्कूलका श्याम माझी निर्वाचित भएका छन ।
नवनिर्वाचित कार्यसमितिका पदाधिकारीको पदस्थापना यसै साता गरिने सचिव श्रेष्ठले जानकारी दिए ।
प्याब्सन इटहरी नगरसमितिमा एक सय बढी विद्यालय आबद्व रहेका छन ।
Discussion about this post