इटहरी : नेपाल प्रेस युनियन सुनसरीले जिल्लाका १२ वटै पालिकामा प्रचारप्रसारका लागि जिम्मेवारी दिएको छ ।
युनियन जिल्लाको बैठकले यही बैशाख ३० गते हुने स्थानीय तहको निर्वाचनमा प्रचारप्रसारका लागि जिम्मेवारी दिएको हो ।
युनियन सुनसरीका अध्यक्ष पवन अधिकारीका अनुसार नेपाली कांग्रेसलाई निर्वाचनमा विजयी गराउनका लागि जिम्मेवारी दिइएको हो ।
जसअन्र्तगत इटहरीमा विनय बाह्रकोटी, धरानमा मात्रिकाप्रसाद नेपाल, बराहक्षेत्रमा संगम विष्ट, रामधुनीमा विनोद आचार्य, दुहबी, बर्जु, र गढीमा आशिष यादव, इनरुवा, भोक्राहा–नरसिंह, कोसी, देवानगञ्ज र हरिनगरमा मिकाइल आलम संयोजक रहनेगरी जिम्मेवारी दिइएको हो ।
उनीहरूले आवश्यकता अनुसार समिति विस्तार गरी प्रचारप्रसार गर्ने युनियन सुनसरीका सचिव विवेक भट्टराईले जानकारी दिए ।
नेपाली कांग्रेस जिल्ला कार्यसमितिले गर्ने प्रचारप्रसार तथा पालिका तहको प्रचारप्रसारका कार्यहरू गर्नका लागि उनीहरूलाई जिम्मेवारी दिइएको बताइएको छ ।
Discussion about this post