तरहरा : इटहरी उपमहानगरपालिका २० तरहरामा लायन्स र लियो क्लब अफ इटहरी इनोभेसनले ट्राफिक सचेतना कार्यक्रमको आयोजना गरेको छ ।
आइतबार यहाँको ज्ञानदर्पण एकेडेमीका विद्यार्थीहरूलाई ट्राफिक सचेतना गराइएको हो ।
१ नम्बर प्रदेश ट्राफिक प्रहरी कार्यालय इटहरीका प्रमुख, प्रहरी उपरीक्षक (एसपी) श्यामकुमार महतोसहित अन्य ट्राफिकहरूले विद्यार्थीलाई सहजीकरण गरेका थिए ।
कार्यक्रममा लायन्स क्लब अफ इन्टरनेशनल (३२५) सि का जोन चेयर पर्सन दीपक पोखरेल, लायन्स क्लब अफ इन्टरनेशनल (३२५) सि एरिया कोअर्डिनेटर गोविन्द थापा ज्ञानदर्पण एकेडेमीका प्रिन्सिपल केपी कोइराला, लियो क्लब अफ इटहरी इनोभेसनका अध्यक्ष सुजन घिमिरे लगायतले बोलेका थिए भने लायन्स क्लब अफ इटहरी इनोभेसनका अध्यक्ष डिल्लिराम वाग्लेको सभाध्यक्षमा कार्यक्रम सम्पन्न भएको थियो ।
विद्यालयमा सहजीकरण कार्यक्रम गरिएपछि तरहराको मुख्य सडकमा सवारी चालकलाई पनि सचेतना गराइएको थियो ।
Discussion about this post