धरान : धरानमा आज (शनिबार) देखि सुरु भएको २३ औं टुबोर्ग गोधुली फुटबल रनिङ कपमा ५ नं. वडाले विजयी सुरुवात गरेको छ ।
५ नं. वडाले गत संस्करणको फाइनलिष्ट टोली १३ नं. वडालाई २–० गोल अन्तरले पराजित गरेको हो ।
प्रतियोगिताको उपाधी दाबेदार मानिएको १३ नं. वडा आजको खेलमा पराजित भएसँग प्रतियोगिताबाट बाहिरिएको छ ।
५ नं. वडाका लागि साजन लिम्बूले दुवै गोल गरेका हुन् । उनले खेलको १८ औं मिनेट र दोस्रो हाफको २५ औं मिनेटमा गोल गरेका थिए । उनी खेलको म्यान अफ द म्याच समेत घोषित भए । उनलाई नगद १ हजार पाँच सयसहित मेडल प्रदान गरियो ।
पुष ३० गतेदेखि माघ १४ गतेसम्म धरान रंगशालामा हुने प्रतियोगितामा धरानका २० वटै वडाको सहभागिता रहेको छ ।
प्रतियोगिताको बिजेताले नगद १ लाख ५० हजार, उपबिजेताले नगद ७५ हजार र विधागत उत्कृष्टले नगद ५ हजार पुरस्कार प्राप्त गर्नेछन् ।
आइतबारको खेल धरान १४ र धरान २ बीच हुने आयोजक गोधुली क्लबका उपाध्यक्ष सतिस केसीले जानकारी दिए ।
Discussion about this post