मोरङ : मोरङको पथरीशनिश्चरे नगरपालिका ३ मा एकजना महिलाको हत्या भएको आशंका गरिएको छ ।
पथरीशनिश्चरे ३ की ४१ वर्षीया शारदा सुन्दासको हत्या भएको आशंका गरिएको हो ।
शारदा आफ्नै घरभित्र सोमबार (आज) बिहान ११ः४५ बजेतिर मृत फेला परेकी थिइन् । घटनास्थल र शवको प्रकृति हेर्दा घटना शंकास्पद देखिएको मोरङ प्रहरीका प्रवक्ता डीएसपी रञ्जनकुमार दाहालले जानकारी दिए ।
उनका अनुसार घटना शंकास्पद देखिएपछि शारदाका श्रीमान बलबहादुर सुन्दासलाई नियन्त्रणमा लिएर थप अनुसन्धान अगाडि बढाइएको प्रहरीले जनाएको छ ।
कुटपिट गरेर पत्नी शारदाको हत्या गरेको आशंकामा बलबहादुरमाथि थप अनुसन्धान सुरु गरिएको प्रहरीले जनाएको छ ।
Discussion about this post