झापा : पत्रकार दीपक अधिकारीलाई यस वर्षको डी. कौडिन्य स्मृति पत्रकारिता पुरस्कार प्रदान गरिएको छ ।
प्रेस सेन्टर नेपाल झापाले देवकुमार आचार्यको स्मृतिमा स्थापना गरेको २१ हजार रुपैयाँ पुरस्कार राशी रहेको उक्त पुरस्कार अधिकारीलाई प्रदान गरिएको हो ।
अधिकारी नौलो आवाज साप्ताहिका प्रकाशक तथा सम्पदक हुन् । भद्रपुर निवासी अधिकारीले ग्रामीण क्षेत्रमा रहेर खोज पत्रकारितामा कलम चलाउँदै आएका छन् । कोसी प्रदेशका बिना विभागीय मन्त्री राजेन्द्र कार्की र डी.कौडिन्यकी छोरी तृष्णा आचार्यले पत्रकार अधिकारीलाई नगदसहित पुरस्कार हस्तान्तरण गरे ।
प्रेस सेन्टर झापाका अध्यक्ष राजु पाठकको अध्यक्षतामा भएको कार्यक्रममा उपाध्यक्ष होमप्रकाश अधिकारीले सहभागीको स्वागत गरेका थिए । पुरस्कृत अधिकारीबारे प्रेस सेन्टरका सह इञ्चार्ज झुलन रेग्मीले चर्चा गरेका थिए ।
देवकुमार आचार्य (डी कौडिन्य) को चर्चा प्रेस सेन्टरका केन्द्रीय सचिव विमल लामिछानेले गरेका थिए ।
कार्यक्रममा प्रेस सेन्टरका केन्द्रीय उपाध्यक्ष विवेक गौतम, प्रेस सेन्टरका कोसी प्रदेश अध्यक्ष विनोद घिमिरे, माओवादी केन्द्रकी केन्द्रीय सदस्य लक्ष्मी आचार्य, सरु न्यौपाने, कोसी प्रदेश उपाध्यक्ष मणिकुमार साम्पाङ, पार्टीका झापा सह–इन्चार्ज सीपी कडरिया, नेपाल पत्रकार महासंघ झापाका अध्यक्ष एकराज गिरी, स्वतन्त्र पत्रकार समूह झापाका अध्यक्ष नरेन्द्र ढकाल, फोनिज झापाकी अध्यक्ष भूमिका सुब्बालगायतले शुभकामना मंतव्य राखेका थिए ।
कार्यक्रम प्रेस सेन्टर झापाका सचिव पुष्प खड्काले कार्यक्रम सञ्चालन गरेका थिए ।
Discussion about this post