इटहरी : गुरुङ्ग बौद्ध गुम्बा तमु सेवा समिति इटहरीद्वारा तमु ल्होसार पर्व मनाइएको छ ।
गुरुङ्ग बौद्ध गुम्बा तमु सेवा समिति इटहरी उपमहानगरपालिका वडा नम्बर १, १९ र २० को आयोजनामा तमु ल्होसार पर्व मनाइएको छ ।
इटहरी २० तरहरामा गुरुङ समुदायले पुरानो वर्षलाई बिदा गरी नयाँ वर्षलाई स्वागत गर्दै तमु ल्होसार मनाएका छन् ।
कार्यक्रममाका प्रमुख अतिथि इटहरी उपमहानगरपालिका वडा नम्बर २० का वडाध्यक्ष मणिराम श्रेष्ठले कार्यक्रमको उद्घाटन गर्दै वडा कार्यालयमार्फत गुम्बालाई दुई लाख आर्थिक सहयोग गर्ने प्रदिबद्दता रहेको बताए ।
कार्यक्रममा गुरुङ समुदायको सांस्कृतिक नृत्य प्रस्तुत गरिएको थियो । सामाजिक क्षेत्रमा योगदान पुर्याउँदै आएका विभिन्न दाताहरूले गुम्बालाई आर्थिक सहयोग समेत गरेका थिए ।
तमु ल्होसारकै अवसरमा २७ औं साधारणसभा समेत सम्पन्न गरिएको छ । गुम्बामा आर्थिक सहयोग गर्ने ६० जना बढीलाई सम्मान गरिएको छ । गुम्बाका अध्यक्ष दलबहादुर गुरूङको अध्यक्षतामा कार्यक्रम गरिएको थियोे ।
सो अवसरमा नव दृष्टि आँखा हस्पिटल इटहरीको सहकार्यमा एकदिने निःशुल्क आँखा जाँच शिविर समेत गरिएको गुरुङ बौद्ध गुम्बा युवा समितिका अध्यक्ष तनुज गुरुङ (सुरेश) ले जानकारी दिए । आँखा शिविरमा दुई सय ५५ जना भन्दा बढी लाभान्वित भएको उनले बताए ।
कार्यक्रमका विशिष्ट अतिथि नेपाली काङ्ग्रेस सुनसरी क्षेत्र नम्बर २ (क) का सभापति शुभेक्छु देवान, जनसहयोग मावि व्यवस्थापन समितिका अध्यक्ष रुद्रबहादुर बस्नेत, सल्लाहकार समितिका सदस्य खम्बासिंह गुरुङ्ग, गुम्बाका उपाध्यक्ष प्रकाश तमु गुरुङलगायतले बोलेका थिए ।
यसैक्रममा इटहरीको बुद्ध गुम्बा इटहरी तमु सेवा समितिद्वारा पनि तमु ल्होसार पर्व भव्यता साथ मनाएका छन् ।
Discussion about this post