इटहरी : सुनसरीको इटहरीमा अवस्थित एसओएस हर्मन माइनर माध्यमिक विद्यालयले २८ औँ अभिभावक दिवस मनाएको छ । विभिन्न सांस्कृतिक कार्यक्रमसहित विद्यालयले अभिभावक दिवस मनाएको हो ।
विद्यालयको सभाहलमा आयोजित कार्यक्रममा इटहरी उपमहानगरपालिकाकी उपमेयर सङ्गीता चौधरीको प्रमुख आतिथ्य तथा विद्यालय व्यवस्थापन समितिका अध्यक्ष तथा एसओएस बालग्राम इटहरीका निर्देशक श्री देवचरण चौधरीको सभाध्यक्षता रहेको थियो ।
कार्यक्रममा शिक्षा विकास तथा समन्वय एकाइ सुनसरीका प्रमुख श्री खगेन्द्र सुवेदी, इटहरी १६ का वडाध्यक्ष तेजनारायण चौधरी, इटहरी ७ का वडाध्यक्ष देवनारायण चौधरी, शिक्षाक प्रतिनिधि चन्द्रकला भट्टराई, इटहरी रेडक्रस सोसाइटीका सचिव सञ्जीव ढुङ्गाना, लक्ष्मी मा.वि. का प्रधानाध्यापक श्री प्रभुनारायण चौधरी, बालविकास मा.वि. का प्रधानाध्यापक श्री नारायण सन्जेल, श्री सरस्वती जब्दी मा.वि. का प्रधानाध्यापक मातृकाप्रसाद भट्टराई, किसान कल्याण ऋण तथा बचत सहकारी संस्थाका उपाध्यक्ष नरेन्द्र श्रेष्ठलगायत अभिभावकहरूको उपस्थिति रहेको थियो ।
कार्यक्रममा विद्यालयका निमित्त प्रधानाध्यापक शशीकुमार उपाध्यायले विद्यालयको वार्षिक प्रतिवेदन प्रस्तुत गर्दै विद्यालयको सवाङ्गीण विकासमा सहयोग गर्ने सरोकारवाला सबैलाई धन्यवाद ज्ञापन गरेका थिए ।
उपमेयर चौधरीले मोबाइलको अत्यधिक प्रयोगले गर्दा आजभोलि अधिकांश बालबालिकाहरूमा नकारात्मक असर देखापरेको र उनीहरूको स्वास्थ्यमा विविध समस्या देखा पर्न थालेकोबारे चिन्ता व्यक्त गरिन् ।
बालबालिकाका क्षेत्रमा एसओएस बालग्रामले गरेको कामको प्रशंसा गर्दै उपमहानगरपालिकाका तर्फबाट सहयोग रहिरहने उनले बताइन् ।
कार्यक्रममा शिक्षाा तथा खेलकुद समन्वय एकाइ सुनसरीका प्रमुख खगेन्द्र सुवेदीले विशेष वर्गका बालबालिकालाई सेवा पु¥याउँदै आएको यस विद्यालयलाई शिक्षाा तथा खेलकुद समन्वय एकाइ सुनसरीले हरतरहले सहयोग गर्ने प्रतिबद्धता व्यक्त गरेका थिए ।
उनले भने, ‘विगतदेखि नै यस विद्यालयका सम्पूर्ण गतिविधि मैले नजिकबाट नियाल्दै आइरहेको छु । शैक्षिक उन्नतिमा यस विद्यालयले गरेको मिहिनेत प्रशंसनीय छ ।’
एसओएस बालग्राम इटहरीका निर्देशक तथा विद्यालय व्यवस्थापन समितिका अध्यक्ष देवचरण चौधरीले अभिभावक दिवसमा उपस्थित सबैलाई धन्यवाद ज्ञापन गर्दै सहयोगी हातहरूलाई धन्यवाद दिए । आफ्नो एक्लो प्रयासले मात्र बालग्रामले उन्नति नगरेको जिकिर गर्दै सबैको साथ र सहकार्यले गुणस्तरीय शिक्षााका क्षेत्रमा काग गर्न सकिएको उनले बताए ।
‘एसओएस बालग्रामले शिक्षाालाई विशेष परियोजनाका रूपमा प्राथमिकतामा राखेर कार्य गर्दै आइरहेको भए तापनि यसले बालबालिका तथा सामाजिक स्तरमा पनि थुप्रै काम गरिरहेको छ ।’ उनले भने । नर्सरीदेखि कक्षा १० सम्मका छात्रछात्राहरूद्वारा सामूहिक गीत, नृत्य, राइम्स, तेक्वान्डो खेलको प्रस्तुति गरेका थिए ।
इटहरीमा गुणस्तरीय शिक्षााका लागि अभिभावक तथा विद्यार्थीको रोजाइमा गर्दै आएको एसओएस हर्मन माइनर माध्यमिक विद्यालय एसओएस बालग्रामद्वारा विशेष परियोजनाका रूपमा सञ्चालन गदै आएको छ ।
नेपालभर जम्मा सातवटा हर्मन माइनर विद्यालयहरू सञ्चानलमा रहेका छन् । साधारण तथा कम्प्युटर इन्जिनियरिङ प्राविधिक धारको समेत पढाइ हुने यस विद्यालयमा एसओएस बालग्राममा आश्रित तथा समुदायका गरी जम्मा ६२० जना विद्यार्थी रहेका छन् ।
Discussion about this post