इटहरी : ३० औँ विश्व आदिवासी दिवसको अवसरमा शुक्रबार इटहरीमा सांस्कृतिक कार्यक्रम आयोजना हुने भएको छ । दिवसको अवसरमा इटहरीमा बृहत झाँकी ¥यालीसहित तायारिप्ची भवनमा सांस्कृतिक कार्यक्रम गरिने बुधबार पत्रकार सम्मेलन गरी जानकारी दिइएको हो ।
आगामी शुक्रबार (साउन २५ गते) दिवसरको अवसरमा इटहरीको संगीत चौकमा भेला भई ¥याली निकालेर नगर परीक्रमा गरी तायारिप्ची भवनमा पुगेर सांस्कृति कार्यक्रम आयोजना गरिने आयोजक नेपाल आदिवासी जनजाति महासंघ इटहरीका अध्यक्ष चिरहाङ राईले बताए ।
महासंघमा आवद्ध रहेका १६ वटा जातजातिका आ–आफ्ना भेषभूषाका झाँकी प्रदर्शन गरिने उनले बताए । ‘हामी अर्काको विरोध गरेर आफ्नो हक खोज्ने होइन, सभ्य शैलीमा आफ्नो संस्कृति मनाउने तयारीमा छौँ,’ अध्यक्ष राईले भने, ‘बृहत सांस्कृतिक कार्यक्रम आयोजना गरिने र त्यसले आम आदिवासीहरूलाई एकत्रित गर्ने तयारी छ ।’
दिवसको अवसरमा आयोजना गर्न लागिएको कार्यक्रममा ‘संविधान प्रदत्त अधिकार आदिवासीहरूको विशेष क्षेत्र, संरक्षित क्षेत्र र स्वायत क्षेत्र कार्यन्वयन गर, प्रदेश र स्थानीय तहको सरकारी कामकाजको भाषामा आदिवासी जनजातिको भाषा लागू गर’ भन्ने सन्देश दिनका लागि पनि उक्त कार्यक्रम आयोजना गर्न लागिएको उनले बताए ।
उनका अनुसार आदिवासीहरूको भाषा, धर्म र संस्कृतिलाई जगेर्ना गर्नका निम्ति कार्यक्रम आयोजना गर्न लागिएको हो ।
कार्यक्रमका संयोजक तथा महासंघका उपाध्यक्ष रोशन भुजेलले आदिवासीको भाषा, संस्कृतिलाई नेपाल सरकारले संरक्षण गर्न आवश्यक रहेको बताए ।
संविधानमा भनेअनुरूप सबैको मातृभाषा नेपाली भाषा हुने भएपनि सरकारी कामकाजको भाषामा भने अझै समस्या भइरहेकाले पनि सरकारी कामकाजमा मातृभाषा प्रयोग गर्न उनको माग छ ।
उनले विशेष क्षेत्र, संरक्षित क्षेत्र र स्वायत्त क्षेत्रबारे प्रष्ट्याउँदै त्यसबारे सरकारले कार्यान्वयन गर्नुपर्नेसमेत बताए ।
महासंघका सचिव टार्जन सुनुवारका अनुसार इटहरीका २० वटै वडाका आदिवासीहरूको सहभागितामा उक्त कार्यक्रम आयोजना हुनेछ । साथै उक्त कार्यक्रममा गायक किरण भुजेलको विशेष प्रस्तुतिसमेत रहने उनले बताए ।
भिडियो
Discussion about this post