धरान : धरान उपमहानगरपालिका–७ पानमारा स्टेण्डबाट ब्राउनसुगरसहित एक युवक पक्राउ परेका छन्।
लागूऔषध बिक्री–वितरण भइरहेको भन्ने विशेष सूचनाका आधारमा कोशी प्रदेश प्रहरी कार्यालय विराटनगरको पीआईटी टोली र अस्थायी प्रहरी पोस्ट जोरसखुवाबाट खटिएको संयुक्त प्रहरी टोलीले धरान–५ खैरेनी निवासी २२ वर्षीय रोहन शाक्यलाई पक्राउ गरेको हो।
प्रहरीले शाक्यलाई शंकास्पद अवस्थामा चेकजाँच गर्दा उनको साथबाट २ ग्राम ५५५ मिलिग्राम ब्राउनसुगर बरामद गरेको जनाएको छ।
बरामद लागूऔषधसहित पक्राउ परेका शाक्यलाई इलाका प्रहरी कार्यालय धरानमा राखी लागूऔषध सम्बन्धी कसुरमा थप अनुसन्धान भइरहेको प्रहरीले जनाएको छ।
Discussion about this post