इटहरी : कोशी प्रदेशका भोजपुर र ओखलढुंगामा प्रहरीले अवैध रूपमा लगाइएका तथा प्राकृतिक रूपमा उम्रिएका गाँजाका बोट र बेर्ना फडानी गरी नष्ट गरेको छ।
कोशी प्रदेश प्रहरीका अनुसार भोजपुरको हतुवागढी गाउँपालिका–८ र ९ का विभिन्न डाँडापाखामा करिब तीन रोपनी क्षेत्रफलमा रहेका दुई हजार ९० वटा गाँजाका बेर्ना र नाभो बोट सोमबार फडानी गरी जलाइएको हो।
उक्त अभियान इलाका प्रहरी कार्यालय बोयाङ र प्रहरी चौकी हसनपुरबाट खटिएको संयुक्त टोलीले सञ्चालन गरेको थियो।
त्यसैगरी ओखलढुंगाको सिद्धिचरण नगरपालिका–१२ स्थित एक बारीमा प्राकृतिक रूपमा उम्रिएका ६० वटा गाँजाका बोट जिल्ला प्रहरी कार्यालय ओखलढुंगाको टोलीले फडानी गरी नष्ट गरेको प्रहरीले जनाएको छ।
अवैध लागूऔषध खेती नियन्त्रण अभियानअन्तर्गत प्रहरीले यस्ता बोट फडानी गर्ने कार्यलाई निरन्तरता दिइएको जनाएको छ।
Discussion about this post