इटहरी : इटहरी उपमहानगरपालिका–९ भद्र टोलमा किशोर मृत फेला परेको घटनामा चार जनाविरुद्ध आत्महत्या दुरुत्साहनको कसुरमा मुद्दा दर्ता भएको छ।
प्रहरीका अनुसार साउन १९ गते दिउँसो करिब २ः३० बजेतिर १६ वर्षीय सरोज न्यौपाने आफ्नै कोठामा भित्रबाट चुक्कुल लगाई झुण्डिएको अवस्थामा मृत फेला परेका थिए।
घटनापछि साउन २० गते प्राप्त जाहेरीका आधारमा इटहरी–९ कै २७ वर्षीय अशोक न्यौपाने, ३३ वर्षीय नमराज न्यौपाने, ४३ वर्षीय बुद्धिसागर न्यौपाने र ३९ वर्षीया मुना न्यौपानेलाई पक्राउ गरेको हो।
पक्राउ परेका चारैजनाविरुद्ध आत्महत्या दुरुत्साहनको कसुरमा मुद्दा दर्ता गरिएको प्रहरीले जनाएको छ।
जिल्ला अदालत सुनसरीबाट साउन २० गतेदेखि लागू हुने गरी पाँच दिनको म्याद थप अनुमति लिएर इलाका प्रहरी कार्यालय इटहरीले घटनाबारे थप अनुसन्धान गरिरहेको जनाएको छ।
Discussion about this post