काठमाडौँ : नेपाली कांग्रेसको केन्द्रीय सदस्य पदको मतगणनामा चार हजार मत गन्दा राजीव कोइरालाले २ हजार ३१२ मत प्राप्त गरेका छन् । पार्टीको केन्द्रीय सदस्यका उम्मेदवार कोइराला सार्वजनिक मतपरिणामअनुसार आठौँ स्थानमा रहेका छन् ।
केन्द्रीय सदस्यको मतपरिणाम सूचीमा कोइरालाले २ हजार ३१२ मत प्राप्त गरेका हुन् । राजीवभन्दा अगाडि चिरिबाबु महर्जन, निष्कल राई, इन्द्रबहादुर बानियाँ, प्रा।डा। गोविन्दराज पोखरेल, जितनारायण श्रेष्ठ, मोहन आचार्य र प्रबल थापा रहेका छन् ।
यसैगरी, नेपाली कांग्रेसको केन्द्रीय सदस्यमा ३५ वर्षमुनिका कोशीका युवा खुलातर्फ दोर्ची शेर्पा पनि प्रतिस्पर्धामा छन् । ४०० मत गणना हुँदाको प्रारम्भिक विवरणअनुसार विकल राईले ६३, इन्जिनियर हेमकाजीले ५८, गौरवले ५२, अनुज कार्कीले ४९ र सरोजले ३७ मत प्राप्त गरेका छन् । दोर्ची शेर्पाले ३२ मत प्राप्त गरेका छन् ।
मतगणना जारी रहेकाले उम्मेदवारहरूको अन्तिम मतपरिणाम आउन बाँकी छ । प्रारम्भिक मतपरिणामअुनसार कोइराला र शेर्पाले जित हासिल गर्ने आँकलन गरिएको छ ।
Discussion about this post