इटहरी : इटहरी उपमहानगरपालिका वडा नं. ५, ७, १२ र १६ नम्बर वडामा नेकपा एमालेको प्यानलै विजयी भएको छ ।
निर्वाचन अधिकृतको कार्यालय इटहरीका अनुसार इटहरी ५ मा एमालेका भीष्मकुमार घिमिरेले ३,०१९ मत प्राप्त गर्दै विजयी भएका हुन् । उनका निकटतम प्रतिद्वन्दी नेपाली कांग्रेसका जीवन न्यौपानेले २,८१३ मत प्राप्त गरे ।
यस्तै, महिला सदस्यमा धनमाया थापा, दलित महिला सदस्यमा हरिमाया विश्वकर्मा, खुल्ला सदस्यमा गोपाल गिरी र थामबहादुर खड्का विजयी भएका छन् ।
इटहरी ७ मा पनि नेकपा एमालेको प्यानलै विजयी भएको छ । एमालेका देवनारायण चौधरीले १,३१५ मत प्राप्त गर्दै विजयी भएका हुन् । उनका निकटतम प्रतिद्वन्दी नेपाली कांग्रेसका हेमा चौधरीले ९४७ मत प्राप्त गरे ।
महिला सदस्यमा राधा आचार्य, दलित महिला सदस्यमा ललिता कुमारी मुसहर, खुल्ला सदस्यमा नेत्रप्रसाद गुरागाईँ र दीपक घिमिरे निर्वाचित भएका छन् ।
उता, इटहरी १२ मा एमालेको प्यानलै निर्वाचित भएको छ । एमालेका भुवनराज पोखरेलले ८२६ मत प्राप्त गर्दै विजयी भएका हुन् । उनका निकटतम प्रतिद्वन्दी नेपाली कांग्रेसका हेमानन्द दाहालले ५७६ मत प्राप्त गरे ।
महिला सदस्यमा विन्दा केसी, दलित महिला सदस्यमा विमलीकुमारी सरदार, खुल्ला सदस्यमा सन्यासकुमार साह र सञ्जयकुमार मिश्र निर्वाचित भएका छन् ।
यस्तै, इटहरी १६ मा पनि एमालेको प्यानलै निर्वाचित भएको छ । एमालेका तेजनारायण चौधरीले २,३३३ मत प्राप्त गर्दै निर्वाचित भएका हुन् । उनका प्रतिद्वन्दी नेपाली कांग्रेसका दीपनारायण चौधरीले १,४३२ मत प्राप्त गरे ।
महिला सदस्यमा खीना खतिवडा, दलित महिला सदस्यमा धनमाया विश्वकर्मा, खुल्ला सदस्यमा सुनिल कुमार चौधरी र सीताराम चौधरी निर्वाचित भएका हुन् ।
Discussion about this post