इटहरी : इटहरी उपमहानगरपालिका वडा नं ४ बाट खैरोहिरोइन ब्राउन सुगर र नगद सहित एक जनालाई प्रहरीले प्रकाउ गरेको छ ।
प्रकाउ पर्नेमा इटहरी ४ गैरी टोलमा कोठा भाडा बस्दै आएका तेह्रथुम म्यागलुङ्ग ६ घर भएका ३४ वर्षीय दुर्गा बहादुर रसाईली रहेका छन् ।
रसाइलीले अवैध खैरोहिरोईन ब्राउनसुगर कारोबार गर्ने गरेको भन्ने गोप्य सूचनाको आधारमा लागूऔषध ब्यूरो शाखा कार्यालय बिराटनगर र इलाका प्रहरी कार्यालय इटहरीबाट गएको सयुक्त प्रहरीको टोलीले निजलाई कोठामा शङ्कास्पद अवस्थामा रहेको फेलापारी निजको कोठा र शरिर खानतलासी गर्दा ५३. २ ग्राम लागू औषध खैरोहिरोईन ब्राउनसुगर तौल नाप्ने डिजिटल उपकरण १ थान नगद रु ९८,१७५ रुपैया र बिभिन्न कम्पनीको मोबाईलहरु ३ थान समेत फेलापारी पक्राउ गरेको हो ।
प्रकाउ परेका विरुद्ध लागूऔषध नियन्त्रण ऐन २०३३ बमोजिम सुनसरी जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।
Discussion about this post