इटहरी : इटहरीका एक कोरोना संक्रमितको मृत्यु भएको छ । धरानस्थित वीपी कोइराला स्वास्थ्य विज्ञान प्रतिष्ठानमा उपचारको क्रममा इटहरीका एक कोरोना संक्रमितको मृत्यु भएको हो।
आइतबार बिहान १० बजेर ४५ मिनेटमा इटहरी १ का ७८ वर्षीय वृद्धको मृत्यु भएको प्रतिष्ठानले जनाएको छ ।
उच्च रक्तचापका बिरामी रहेका वृद्धलाई साउन २२ गते संक्रमण पुष्टि भएको थियो । उनलाई सोही दिन प्रतिष्ठानको कोभिड अस्पतालमा भर्ना गरिएको थियो ।
यस्तै, धरान १७ की ५७ वर्षीया महिलाको पनि आइतबार मध्याह्न १२ बजे मृत्यु भएको छ। मधुमेहको दीर्घरोगी रहेकी मृतकलाई साउन १४ गते संक्रमण पुष्टि भएको थियो भने १५ गते कोभिड अस्पतालमा भर्ना गरिएको प्रतिष्ठानले जनाएको छ ।
Discussion about this post