इटहरी : इटहरीकी एक वृद्दासहित ६ जनाले दुई महिनाको अवधिमा सप्तकोसी नदीमा आत्महत्याको प्रयास गरेका छन् । सप्तकोसी नदीको कोशी ब्यारेज पुलबाट हामफालेर असार र साउन महिनामा ६ जनाले आत्महत्या गर्ने प्रयास गरेका हुन् ।
उनीहरुलाई प्रहरीले उद्दार गरेर बचाउन सफल भएको जिल्ला प्रहरी कार्यालय सुनसरीले जनाएको छ ।
प्रहरीका अनुसार असार १ गते सुनसरीको गढी गाउँपालिका ६ का ७८ वर्षीय एक वृद्धले आत्महत्या गर्ने प्रयास गरेका थिए ।
यस्तै, असार २१ गते विराटनगर १० की ५५ वर्षीया महिलाले पनि हामफलेकी थिइन् । साउन ४ गते विराटनगर ३ पुष्पलाल चोकका ३५ वर्षीया एक महिलाले पनि ब्यारेज पुलबाट आत्महत्या प्रयास गरिन् ।
यसैगरि, साउन २० गते मधुवनी जयनगर चित्र गुप्त कोलोनी भारतका २५ वर्षीय एक युवाले आत्महत्या प्रयास गरेका थिए । यस्तै, इटहरी ६ की ६५ वर्षीया वृद्धाले पनि साउन २४ गते आत्महत्या प्रयास गरेकी थिइन् ।
यस्तै, काभ्रेपलाञ्चोक १३ की ४० वर्षीया महिलाले पनि आत्महत्याको प्रयास गरेकी थिइन् ।
उनीहरु सबैलाई नदीबाट सकुशल उद्दार गरी आफन्तको जिम्मा लगाइएको सुनसरी प्रहरीले जनाएको छ ।
Discussion about this post