इटहरी : जिल्ला प्रहरी कार्यालय सुनसरीले एकैदिन ८३ जना फरार अपराधीहरुलाई पक्राउ गरेको जनाएको छ ।
सुनसरीका प्रहरी प्रमुख एसपी सञ्जयसिंह थापाका अनुसार जिल्ला अदालतबाट विभिन्न मितिमा फैसला भएका मुद्दाहरुमा तोकिएको कैद वा जरिवाना फर्छ्योट नगरी फरार रहेकाहरुमध्ये बुधबार एकैदिन ८३ जनालाई पक्राउ गरिएको हो ।
एसपी थापाका अनुसार पक्राउ परेकाहरुलाई बुधबार नै अदालतमा पेश गरिएको छ । फैसला कार्यान्वयनको सिलसिलामा, पक्राउ परेका ८३ जना समेत गरी चालु आर्थिक वर्ष २०७८।०७९ मा ३८३ जना फरारहरुलाई पक्राउ गरी सम्मानित अदालत हाजिर गराइएको छ ।
प्रहरीका अनुसार पक्राउ परेकाहरुमध्येबाट १४ लाख ७९ हजार पाँच सय रुपैँया जरिवाना समेत असुल फर्छ्योट भएको छ ।
पक्राउ पर्नेहरुमा गर्भपतन, मानव वेचविखन, सवारी ज्यान, लागूऔषध, जबरजस्ती करणी, अपहरण, ज्यान मार्ने उद्योग, चोरी, कर्तव्य ज्यान, सम्वन्ध विच्छेद, भ्रष्टाचार, गाली बेईज्जती, आदी मुद्दा अन्तरगतका रहेको प्रहरीले जनाएको छ ।
Discussion about this post