आजदेखि विराटनगर–जोगबनी नाका पूर्णरूपमा सञ्चालनमा आएको छ ।
कोभिड–१९ महामारी फैलिएसँगै सरकारले विराटनगरको रानी र भारतको जोगबनी जोड्ने नाका बन्द गरेको थियो । तर, शनिबार (आज) बाट नाका पूर्णरूपमा खुलेको हो ।
नेपाल सरकारको यही असोज ११ गते बसेको मन्त्रिपरिषद्को बैठकले नाका खोल्ने निर्णय गरेको थियो । जिल्ला प्रशासन कार्यालय मोरङले नाका खुला गर्न निर्देशन दिएको थिएन । तर, अब शनिबारबाट नाका पूर्णरूपमा सञ्चालनमा आएको मोरङका प्रमुख जिल्ला अधिकारी काशिराज दाहालले जानकारी दिए ।
अब नाका भएर नेपाल र भारत दुवैतर्फ सवारी साधान आउजाउ गर्न सक्ने प्रशासनले जनाएको छ ।
Discussion about this post