इटहरी : चाडपर्वलाई लक्षित गरेर सुनसरी जिल्लाभर १ हजार २७ जना प्रहरी परिचालन गरिएको छ।
जिल्ला प्रहरी कार्यालय सुनसरीका प्रमुख प्रहरी उपरीक्षक (एसपी) सञ्जयसिंह थापाका अनुसार जिल्लाका १२ वटै स्थानीय तहमा सादा पोसाक, पिकेट टोली, पैदल गस्ती, सप्राइज चेकिङ, राजमार्ग सुरक्षा, ट्राफिक व्यवस्थापन, धार्मिक क्षेत्रको सुरक्षा र व्यवस्थापन, यातायात सुरक्षा र व्यवस्था र विभिन्न सरकारी कार्यालयको सुरक्षा गरी जिल्लाभर एक हजार २७ जना प्रहरी परिचालन गरिएको हो ।
चाडपर्वको बेलामा हुन सक्ने आपराधिक गतिविधिलाई नियन्त्रण तथा न्यूनीकरण गर्नका लागि गत असोज १ गते देखिनै यो सङ्ख्यामा प्रहरी परिचालन गरिएको एसपी थापाले जानकारी दिए ।
नकारात्मक घटना हुन नदिनका लागि सबैलाई सचेत समेत गरिएको उनले बताए । साथै, चाडपर्वलाई भड्किलो नबनाउन पनि प्रहरीले अपिल गरेको छ ।
Discussion about this post