संखुवासभा : संखुवासभाको पाचखपन नगरपालिका ३ का दिपन राई आफ्नै श्रीमतीको हत्याको आरोपमा पक्राउ परेका छन् ।
पौष ५ गते राति १२ बजेको समयमा राईको २९ वर्षीया श्रीमती बिष्णुमाया राई मृत अवस्थामा रहेको भन्ने जानकारी पाए लगत्तै इलाका प्रहरी कार्यालय वानाबाट प्रहरी टोली खटिएको थियो ।
घटनास्थलमा खटिएको अनुसन्धान टोलीले प्रारम्भिक अनुसन्धान गर्ने क्रममा मृतकको शरीरमा चोटपटक देखेसंगै घटना बारेमा सुक्ष्म अनुसन्धान थालेको थियो ।
घटनास्थलको प्रारम्भिक अनुसन्धानसंगै मृतकलाई पोष्टमार्टम रिपोर्टमा मृतकको आत्महत्या तथा भवितव्यबाट मृत्यु नभइ कर्तब्य ज्यानबाट हत्या भएको खुल्न आएसंगै मृतककै श्रीमान दिपन राईलाई पक्राउ गरिएको र निजले नै आफैले हत्या गरेको साबिति बयान दिएको जिल्ला प्रहरी कार्यालय संखुवासभाले जनाएको छ ।
राईले श्रीमतीसंग सामान्य विषयमा वादविवाद हुँदा आफ्नो रिसको आवेगलाई थाम्न नसक्दा श्रीमतीको हत्या भएको प्रारम्भिक अनुसन्धानबाट खुल्न आएको प्रहरीले जनाएको छ ।
श्रीमतीको हत्या आरोपमा पक्राउ परेका राईमाथि थप अनुसन्धान तथा कानूनी कारवाही भइरहेको प्रहरीले जनाएको छ ।
Discussion about this post