इटहरी : इटहरी उपमहानगरपालिका २० तरहराका बहत्तर लिम्बूले इटहरीमा नेपालकै दोस्रो कार्जस्पा सञ्चालनमा ल्याएका छन् ।
कार तथा मोटरसाइकलको डिटेलिङ गरिने कार्जस्पा नेपालमै दोस्रो पटक तथा पूर्वी सहरमा पहिलोपटक सञ्चालनमा ल्याइएको हो । इटहरी १ पीपल चौक नजिकै सञ्चालनमा ल्याइएको कार्जस्पा पूर्वमन्त्री रामकुमार सुब्बाले उद्घाटन गरे ।
इटहरी पूर्वकै उदयमान सहर भएकाले विराटनगर, धरान र बिर्तामोडका सेवाग्राहीलाई लक्षित गरिएको कार्जस्पाका नेपाल प्रमुख तरुण अहुजाले जानकारी दिए ।
उद्घाटन अगाडि पत्रकारहरूसँग कुरा गर्दै उनले विराटनगर भन्दा इटहरी सम्भावना बोकेको व्यापारिक केन्द्र भएको बताए । कार्जस्पा कार वासमात्र नभएर कारको होलबढी उपचार भएको उनको भनाइ छ ।
उनका अनुसार कार्जस्पा भनेको होलबढी चेकअप गरी उपचार गर्ने विधि हो । कार्जस्पामा कार वा बाइकको सम्पूर्ण पार्ट्सको मर्मत गरिन्छ ।
सवारी साधनलाई सुन्दर तथा आकर्षक बनाउने कार्जस्पा उपयोगी हुने इटहरीका सञ्चालक लिम्बूले बताए । चलाइरहेको गाडीको बाहिरी तथा भित्री आवरणमा उल्लेख्य सुधार हुने उनले बताए ।
नेपालमा अटोमोबाइलको व्यापार बढ्दै गएको कारण पूर्व नेपालको प्रमुख सहर इटहरीमा खोलिएको उनले बताए । अहिले सफा र सुविधाजनक कार सञ्चालन गर्न चाहनेको सङ्ख्या बढ्दै गएकाले कार्जस्पाको माग बढेको लिम्बुको भनाई छ ।
कार्जस्पा भनेको कार वास गर्ने मात्र नभएर कार तथा बाइकको सम्पूर्ण उपचार भएको उनले बताए ।
Discussion about this post