इटहरी : प्रदेश १ मा पछिल्लो २४ घण्टामा थपिएका संक्रमितभन्दा निको हुने धेरै रहेका छन् ।
सामाजिक विकास मन्त्रालयका अनुसार पछिल्लो २४ घण्टामा ५७२ जनामा कोरोना भाइरस संक्रमण पुष्टि भएको छ ।
यही अवधिमा ८४५ जना कोरोना संक्रमणमुक्त भएका छन् । संक्रमणमुक्त हुनेमा ३८२ महिला र ४६३ पुरुष रहेको मन्त्रालयले जनाएको छ । यस्तै, यही अवधिमा दुईजनाको कोरोनाका कारण मृत्यु भएको मन्त्रालयले जनाएको छ ।
थपिएका संक्रमितमध्ये मोरङको विराटनगरमा १०७, बेलबारीमा १४, उर्लाबारीमा ८, पथरीशनिश्चरेमा ७, कटहरी र सुन्दरहरैचामा ६–६, जहदामा ४, बूढीगंगा र कानेपोखरीमा ३–३, रतुवामाई र मिक्लाजुङमा २–२, ग्रामथान, सुनबर्षी र स्थानीय तह नखुलेका १–१ जना छन् ।
यस्तै, झापाको दमकमा १७, भद्रपुरमा १५, विर्तामोडमा १२, कनकाईमा ८, अर्जुनधारामा ७, गौरादहमा ६, मेचीनगरमा ५, शिवसताक्षी, हल्दिबारी, कमल गाउँपालिका र स्थानीय तह नखुलेका ३–३, बाहृदशीमा २, कचनकवलमा १ जना छन् ।
यता, सुनसरीको धरानमा २९, इटहरीमा १६, दुहवीमा ४, बर्जुमा ३, इनरुवा र बराहक्षेत्रमा २–२, भोक्राहा–नरसिंह, रामधुनी, हरिनगर, गढी, देवानगञ्ज र कोशी गाउँपालिकामा १–१ जना छन् ।
यस्तै, धनकुटाको धनकुटा नगरपालिकामा ७, पाख्रिबासमा २, छथरजोपाटीमा १, उदयपुरको उदयपुरगढी, त्रियुगा, कटारी, बेलका, चौदण्डीगढीमा १–१ र स्थानीय तह नखुलेका २ जनामा संक्रमण पुष्टि भएको मन्त्रालयले जनाएको छ ।
उता, संखुवासभाको पाँचखपन, मकालु र खाँदबारीमा १–१, पाँचथरको कुम्मायक, मिक्लाजुङ र स्थानीय तह नखुलेका १–१, इलामको इलाम नगरपालिका र चुलाचुलीमा १–१, भोजपुरको हतुवागढीमा २, तेहृथुमको छथर र खोटाङको दिक्तेल रुपाकोट मझुवागढीमा १–१ र प्रदेश १ बाहिरका २३ जनामा संक्रमण देखिएको मन्त्रालयले जनाएको छ ।
हाल प्रदेश १ मा सक्रिय संक्रमितको संख्या पाँच हजार ७१७ रहेको मन्त्रालयले जनाएको छ ।
Discussion about this post