इटहरी : प्रदेश १ का विभिन्न ठाउँमा बम बिस्फोट गराएर सर्वसाधारणलाई त्रसित बनाउने हिमाल सुरक्षा परिषदका कार्यकर्ता तथा योजनाकारलाई पक्राउ गरी सफल अनुसन्धान गर्ने दुई प्रहरीलाई प्रदेश प्रहरीले नगदसहित पुरस्कारद्धारा पुरस्कृत गरेको छ ।
१ नं. प्रदेश प्रहरी कार्यालय विराटनगरले प्रहरी नायब निरीक्षक राजेन्द्र चौहान र प्रहरी सहायक हवलदार सम्बरबहादुर तिवारीलाई नगदसहित पुरस्कृत गरेको हो ।
जिल्ला प्रहरी कार्यालय झापामा कार्यरत चौहान र इलाका प्रहरी कार्यालय इटहरीमा कार्यरत तिवारीलाई माघ १० गते झापाको बिर्तामोड बसस्टेण्डमा विस्फोटक पदार्थ राख्ने र चैत्र १४ गते इटहरी २ मा बम बिस्फोट गराउने हिमाल सुरक्षा परिषदका कार्यकर्तालाई पक्राउ गरि कानूनी कारबाहीको दायरामा ल्याउन सफल भएको भन्दै दुवैलाई पुरस्कृत गरिएको प्रदेश प्रहरी कार्यालय विराटनगरका डीआईजी अरुणकुमार बिसीले जानकारी दिए ।
अपराध अनुसन्धानमा राम्रो अनुभव भएका दुवैजना यसअघि पनि पुलिस अफ द मन्थबाट सम्मानित भइसकेका छन् ।
Discussion about this post