सुनसरीमा सुमोको ठक्करबाट साइकलयात्रीको मृत्यु

इटहरी : सुनसरीमा टाटा सुमोको ठक्करबाट एक साइकलयात्रीको मृत्यु भएको छ ।

चतरा–पकली सडकखण्डमा दक्षिणबाट उत्तरतर्फ गइरहेको टाटा सुमोले सोहि दिशामा गइरहेको साइकललाई ठक्कर दिँदा साइकलयात्रीको मृत्यु भएको हो ।

बराहक्षेत्र नगरपालिका ३ मा को १ च ७७९१ नं. को गाडीले ठक्कर दिँदा सिमरवन बस्ने अन्दाजी ५५ वर्षीय दुखीलाल धामीको मृत्यु भएको हो ।

टाटा सुमो चालक उदयपुर बेल्टार ७ बस्ने ४३ वर्षीय समिर ओझालाई नियन्त्रणमा लिएर आवश्यक अनुसन्धान सुरु गरेको छ ।