इटहरी : प्रदेश नं. १ को राजधानी विराटनगरमा हरेक वर्ष श्रीकृष्ण जन्माष्टमीको भोलिपल्ट भगवान श्रीराधाकृष्णको रथयात्रा निकाल्ने ऐतिहासिक परम्परा छ । नेपालमा मात्र नभई दक्षिण एसियामै ठूलो मानिने यो रथयात्रामा लाखौं भक्तजन सहभागी हुने गरेका छन् ।
धार्मिक तथा सांस्कृतिक परम्पराका रुपमा निकालिने श्रीराधाकृष्ण रथयात्राको सफलताका शुभकामना व्यक्त गर्दै प्रदेश १ का मुख्यमन्त्रीले यस अवसरमा सबैमा सुख, शान्ति, सुस्वास्थ्य, दीर्घायु र प्रगतिको शुभकामना व्यक्त गरेकाछन् ।
विगतका दुई वर्ष कोरोना संक्रमणका कारण प्रभावित भएको रथयात्रा यस वर्ष पनि जोखिम हटी नसकेको अवस्थालाई मनन् गर्दै तद्अनुरुपको स्वास्थ्य मापदण्ड अपनाई आफ्नो सांस्कृतिक परम्परालाई अविच्छिन्न तुल्याउन मुख्यमन्त्रीले सबै श्रद्धालु भक्तजनहरूमा विशेष अपिल पनि गरेकाछन् ।
श्रीराधाकृष्ण रथयात्रा प्रदेश नं. १ कै महत्वपूर्ण धार्मिक तथा सांस्कृतिक परम्परा होे । यस दिन प्रदेश सरकारले सार्वजनिक बिदा दिने प्रचलन केही वर्षदेखि सुरु गरेको छ ।
नेपाल सदियौंदेखि बहुजातीय, बहुभाषिक, बहुधार्मिक, बहुसांस्कृतिक मुलुकका रुपमा रहेको छ । यो कुरालाई नेपालको संविधानले स्वीकारसमेत गरेको छ ।
त्यतिमात्र होइन यो विविधता नेपाल र नेपालीको पहिचान, गहना र सम्पत्तिसमेत बनिसकेको छ । त्यसैले सबै भाषा, धर्म, संस्कृति, चाडपर्व तथा परम्पराको संरक्षण एवम् सम्बद्र्धन गर्नु राज्य र सम्पूर्ण नेपालीको साझा दायित्व हो ।
हाम्रा जुनसुकै धार्मिक, सांस्कृति पर्व तथा परम्पराहरू राष्ट्रिय एकताको माध्यम बन्न सकोस् र यसबाट सबैमा एकताको भावना विकास गराउन सहयोग पुगोस् भन्ने अपेक्षासहित फेरि पनि सबै श्रद्धालु भक्तजनहरूमा श्रीराधाकृष्ण रथयात्राका अवसरमा मुख्यमन्त्रीले शुभकामना व्यक्त दिएका छन् ।
Discussion about this post