धरान : धरानमा जारी २३ औं टुबोर्ग गोधुली फुटबल रनिङ कपमा धरानको १५ नं. वडा फाइनलमा प्रवेश गरेको छ ।
बुधबार (आज) धरान रंगशालामा भएको खेलमा वडा नं. ५ लाई २–० गोल अन्तरले पराजित गर्दै १५ नं. वडा फाइनलमा प्रवेश गरेको हो । १५ नं. वडाले भोली हुने वडा नं. १६ र १७ बीचको सेमिफाइनल विजेतासँग उपाधिकालागी भिड्नेछ ।
१५ नं. वडा गत वर्षको सुवास राई स्मृति सुपर ८ लिगको विजेता समेत हो ।
धरान १५ लाई फाइनलमा पु¥याउन सुगम जिमी र अनिस राईले गोल गरे । खेलको ३६ औं मिनेटमा गोल गर्दै जिमीले १५ नं. वडालाई अग्रता दिलाएका थिए । खेलको ७६ औं मिनेटमा १५ नं. वडाका अनिस राईले अग्रता दोब्बर बनाउदै जित सुनिश्चित गरेका थिए ।
प्रतिष्पर्धात्मक खेलमा ५ नं. वडाले पाएको अवसरमा गोल गर्न नसक्दा पराजित हुन पुग्यो । खेलको ४३ औं मिनेटमा ५ नं. वडाका साजन लिम्बूले प्रहार गरेको गोल गोल पोष्टमा लागेर फर्किएको थियो ।
त्यस्तै, खेलको ५८ औं मिनेटमा आङ्चोङहाङ लिम्बूले वान भर्सेस वानमा गोल गर्न चुके । खेलको म्यान अफ द म्याच १५ नं. वडाका चन्दन मगर घोषित भए । उनलाई नगद दुई हजार र ट्रफी पुरस्कार प्रदान गरिएको थियो ।
बिहीबार वडा नं. १६ र १७ बीच खेल हुने आयोजक गोधुली क्लबका उपाध्यक्ष सतिस केसीले जानकारी दिए ।
पुष ३० गतेदेखि माघ १४ गतेसम्म धरान रंगशालामा हुने प्रतियोगितामा धरानका २० वटै वडाको सहभागिता रहेको छ । प्रतियोगिताको बिजेताले नगद १ लाख ५० हजार र उपबिजेताले नगद ७५ हजार प्राप्त गर्नेछन् ।
Discussion about this post