बराहक्षेत्र : सप्तकोसी नदिमा जेटबोट सञ्चालन गर्दै आएका व्यवसायीहरूसँग बराहक्षेत्र नगरपालिकाले छलफल गरेको छ ।
सप्तकोसी नदिमा चतराबाट भोजपुरको कोप्चेसम्मको जलमार्गमा सञ्चालन भइरहेको जेटबोट व्यवसायलाई व्यवस्थित बनाउन नगरपालिकाले व्यवसायीहरूसंग छलफल गरेको हो ।
शुक्रबार नगर परिसरमा भएको छलफलमा व्यवसायीहरूले कानुनी झमेला, असुरक्षा र मार्गलाई विस्तार तथा व्यवस्थापनमा आइपर्ने समस्याबारे जानकारी गराएको नगरपालिकाका प्रमुख प्रशासकीय अधिकृत ऋद्बिप्रकाश सिटौलाले बताए ।
छलफलमा नगर प्रमुख रमेश कार्कीले बराहक्षेत्रको पर्यटन र बराहक्षेत्रको नामलाई जेट बोटले प्रचारप्रसार तथा पर्यटनलाई आकर्षण गराउन महत्त्वपूर्ण भूमिका खेलेको बताए ।
जेटबोटलाई नगरपालिकाले व्यवस्थित बनाउने योजना बनाएको नगर प्रमुख कार्कीको भनाइ थियो ।
नगरपालिकाले जेटबोट लगायतका साहसिक व्यवसायलाई प्रवद्र्धन र व्यवस्थित बनाउन कार्यविधिको काम अन्तिम चरणमा पुगेर र व्यवसायीलाई पोत्साहन, सुरक्षा, व्यवस्थापन, भाड दरको व्यवस्थापनसँगै जेटबोट व्यवसायलाई स्थानीय सरकारसंग करको दायरामा ल्याउन खोजेको र जेटबोट व्यवस्थित बनाउन आँफू सकारात्मक रहेको मेयर कार्कीले बताए ।
हाल बराहक्षेत्र नगरपालिका वडा नं. १ स्थित चतरामा स्टेन बनाएर बराहक्षेत्र म्यारिन एण्ड रिसोर्ट, सप्तकोसी टुरिजम एण्ड वाटर ट्रान्सपोर्टेसन, नेपाल रिभर ट्रान्सपोर्ट प्रा.लि., बराहक्षेत्र जल यातायात तथा पर्यटन सेवा प्रालि लगायतका आधा दर्जन भन्दा बढी कम्पनीले लामो दूरी तथा छोटो दूरीका जेटबोट सञ्चालन गर्दै आएका छन् ।
Discussion about this post