इटहरी : राष्ट्रिय आयुर्वेद एसोसिएसन नेपालको अध्यक्षमा पुनः इटहरीका जगतबहादुर भट्टराई निर्वाचित भएका छन् ।
राष्ट्रिय आयुर्वेद एसोसिएसन नेपालको प्रथम अधिवेशनले भट्टराईको अध्यक्षतामा नयाँ कार्यसमिति चयन गरेको हो । अध्यक्षमा भट्टराई निर्विरोध रूपमा चयन हुँदा कृष्णबहादुर राउत वरिष्ठ उपाध्यक्षमा चयन भएका छन् ।
यस्तै, उपाध्यक्षमा बालगोपाल श्रेष्ठ, सरिता भन्डारी, डा. सञ्जीव कुमार यादव, संजय कुमार प्रसाद, दिल बहादुर श्रेष्ठ, डा. प्रफुल्लचन्द्र यादव, शालिकराम भुसाल, डा. शंकर प्रसाद रिजाल, र लोकराज भट्ट चयन भएका छन् ।
यस्तै, महासचिवमा हृदयनारायण चौधरी, सचिवमा नारायण खतिवडा, जयन्ती सिवाकोटी र कोषाध्यक्षमा सपना खत्री चयन भएका छन् भने सह–कोषाध्यक्षमा रामबाबू यादव चयन भएका छन् ।
सदस्यहरूमा किरण न्यौपाने, डा.विवेक गुप्ता, डा. राम पुकार यादव, गीतादेवी दाहाल, ईन्द्रजित कुमार यादव, आरती कुमारी चौधरी, धर्विन्द्र बहादुर सार्की र ओमराज लिम्बू चयन भएका छन् ।
अधिवेशनको उद्घाटन सत्रमा पूर्व प्रधानमन्त्री तथा नेकपा एकीकृत समाजवादीका अध्यक्ष माधव कुमार नेपाल प्रमुख अतिथि थिए । उनले आयुर्वेद क्षेत्रले देशमा उल्लेखनीय भूमिका निर्वाह गरेको बताए ।
Discussion about this post