झापा : सशस्त्र प्रहरी बल, नेपाल प्रस्तावित सीमा सुरक्षा गुल्म, घेराबारी झापाबाट सशस्त्र प्रहरी नायब उपरीक्षक सुमन शर्माको कमाण्डमा खटिएको सशस्त्र प्रहरीले बैशाख १७ गते साँझ १९ः१५ बजेको समयमा फुजी स्याउ बरामद गरेको छ ।
झापाको कचनकवल गाउँपालिका वडा नं. ४ लोदाबारी चोकमा बिर्तामोडबाट कचनकवलतर्फ आउदै गरेको मे १ ज २८०४ नम्बरको पिकअप गाडीलाई शंका लागेर चेकजाँच गर्दा ११५ कार्टुन चाईनिज फुजी स्याउ लोड रहेको अवस्थामा बरामद गरिएको हो ।
बरामद गरिएको स्याउ आवश्यक अनुसन्धानका लागि राजस्व अनुसन्धान कार्यालय इटहरीमा बुझाइएको शर्माले जानकारी दिए ।
यसैगरी उक्त टोलीले विशेष सूचनाको आधारमा झापाको कचनकवल गाउँपालिका वडा नं. ४ पूर्व लोदाबारीस्थित एक गोदाममा दिउँसो चेकजाँच गर्दा ४५६ कार्टुन चाईनिज फुजी स्याउ स्टोर गरी राखेको अवस्थामा बरामद गरिएको छ ।
उक्त स्याउ पनि राजस्व अनुसन्धान कार्यालय इटहरीमा बुझाइएको बताइएको छ ।
बरामद गरिएका स्याउको मूल्य ११ लाख रुपैयाँ तथा बरामद गाडीको अन्दाजी मूल्य ५ लाख रुपैयाँ रहेको बताइएको छ ।
Discussion about this post