धरान : कोसी प्रदेश प्रहरी कार्यालय विराटनगरबाट खटिएको प्रहरी टोलीले वन पैदवार हानी नोक्सानी मुद्दाका दुईजना फरार प्रतिवादीलाई पक्राउ गरेको छ ।
वन पैदवार हानी नोक्सानी मुद्दामा सुनसरी जिल्ला अदालतको मिति २०७८।०५।१६ गतेको सजाय निर्धारण फैसला आदेशले जनही दुई महिना १९ दिन कैद बेरुजु रही फरार रहेका दुईजनालाई पक्राउ गरेको हो ।
पक्राउ पर्नेमा धरान उपमहानगरपालिका ५ का ६७ वर्षीय अमृत राई र ५६ वर्षीय तीर्थबहादुर राई रहेका छन् ।
उनीहरूलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारेर पक्राउ गरिएको प्रहरीले जनाएको छ ।
पक्राउ गरेका उनीहरूलाई सुनसरी जिल्ला अदालतमा उपस्थित गराएको तोकिएको कैद भुक्तानको लागि झुम्का कारागार पठाइएको प्रहरीले जनाएको छ ।
Discussion about this post