झापा : झापाबाट भ्रष्टाचार तथा घुस र चोरी मुद्दाका फरार दुईजना प्रतिवादीलाई प्रहरीले पक्राउ गरेको छ ।
जिल्ला प्रहरी कार्यालय झापाबाट फैसला कार्यान्वयनको लागि खटिएको प्रहरी टोलीले पक्राउ उनीहरूलाई पक्राउ गरेको हो ।
प्रतिवादीहरू विशेष अदालत र झापा जिल्ला अदालतको विभिन्न मितिमा फैसला भइ फरार रहँदै आएका थिए ।
पक्राउ पर्नेमा भ्रष्टाचार मुद्दाका दमक नगरपालिका ९ का ३७ वर्षीय सुवास गर्तौला र चोरी मुद्दाका बिर्तामोड नगरपालिका ५ का २२ वर्षीय सुरज भन्ने सुरेश राजवंशी छन् ।
गर्तौला विशेष अदालतको मिति २०७५ कात्तिक १५ गतेको फैसला अनुसार भ्रष्टाचार मुद्दामा १ महिना कैद १५ हजार रुपैयाँ जरिवाना फैसला इ फरार रहेका थिए ।
यस्तै, राजवंशी झापा जिल्ला अदालतको २०७७ पुस २३ गतेको फैसला अनुसार २ वटा चोरी मुद्दामा र २०७८ चैत १० गतेको फैसला अनुसार १ वटा चोरी मुद्दामा २ वर्ष कैद २० हजार रुपैयाँ जरिवाना फैसला भइ फरार थिए ।
दुवैजना फरार प्रतिवादीहरूलाई पक्राउपछि फैसला कार्यान्वयनका लागि झापा जिल्ला अदालत चन्द्रगढीमा उपस्थित गराएर तोकिएको कैद भुक्तानको लागि जिल्ला कारागार कार्यालय झापा पठाइएको जिल्ला प्रहरी कार्यालय झापाले जनाएको छ ।
Discussion about this post