बराहक्षेत्र : सुनसरीको बराहक्षेत्र नगरपालिका ९ राजाबासमा युवतीहरूको दुई समूहबीच भएको कुटपिटमा संलग्न थप दुई जनालाई प्रहरीले पक्राउ गरेको छ ।
पक्राउ पर्नेमा बराहक्षेत्र वडा नम्बर ८ सैनिक टोलकी २२ वर्षीया विनीता उरावँ र १८ वर्षीया दुर्गा राई रहेको इलाका प्रहरी कार्यालय महेन्द्रनगरका प्रहरी निरीक्षक राजेश दत्तले जानकारी दिए ।
प्रहरी निरीक्षक दत्तकाअनुसार प्रहरीले उरावँ र राईलाई इटहरीस्थित बसपार्क क्षेत्रबाट पक्राउ गरेको हो ।
सामाजिक सञ्जालमा भिडियो भाइरल भएपछि प्रहरीले उनीहरूमाथि खोजी कार्य बढाएसँगै बराहक्षेत्रबाट भागेर मोरङको पथरीसनश्चिरे पुगेका उनीहरूले दुई दिन पथरीशनश्चिरेमा बिताएको थिए ।
पथरी पुगेका जानकारी पाएपछि प्रहरी उनीहरू बसको स्थानमा पुगेकोमा त्यहाँबाट पनि हिँडेको भन्ने जानकारी पाएपछि थप प्रहरी परिचालन गरी खोजी कार्य गर्दा इटहरी बसपार्क क्षेत्रबाट नियन्त्रणमा लिन सफल भएको दत्तले बताए ।
उरावँ समूहका १९ वर्षीय सन्जिता राई, निहाङ राईको खोजी भइरहेको प्रहरीले जनाएको छ ।
उनीहरूको समूहले आफ्नो ब्वाइफ्रेन्डसँग बोलेको भन्दै बराहक्षेत्र ८ की १७ वर्षीया सन्ध्या परियार, १६ वर्षीय नवीना विश्वकर्मा र १९ वर्षीय मनीषा राईलाई निर्घात कुटपिट गरेको भिडियो सामाजिक सञ्जालमा भाइरल बनेको थियो ।
पक्राउ परेकाहरूमाथि थप अनुसन्धान भइरहेको प्रहरीले जनाएको छ ।
यो पनि – सप्तकोसी किनारमा युवतीहरूबीच ‘ग्याङ फाइट’
भिडियोका लागि यहाँ क्लिक गर्नुहोस्
Discussion about this post