कोसी प्रदेश सरकारविरुद्धको मुद्दा हेर्दाहेर्दैमा

इटहरी : कोसी प्रदेश सरकार गठन विरुद्धको रिटमाथि आज सर्वोच्च अदालतको पूर्ण इजलाशमा भएको सुनुवाई सकिएन । उक्त मुद्दा हेर्दाहेर्दैमा राखिएको छ ।

आज रिट निवेदक कोसी प्रदेशका निर्वतमान मुख्यमन्त्री हिक्कमतकुमार कार्कीका तर्फबाट अधिवक्ताहरू टीकाराम भट्टराई, भीमार्जुन आचार्य, बद्रीबहादुर कार्कीलगायतले बहस गरे ।

प्रतिवादीमध्ये सरकारका महान्यायाधिवक्ता दिनमणी पोखरेल, सहन्यायाधीवक्ता लगायतले बहस गरेका छन् ।

सभामुखसहित अन्य प्रतिवादी र मुख्यमन्त्री उद्वव थापाका तर्फबाट निजी वकिलहरूले भने उक्त मुद्दामाथि बहस गर्न बाँकी छ । उक्त मुद्दामाथिको सुनुवाई भोलि (बुधबार) बिहान ११ बजेपछि हुने जनाइएको छ ।

मंगलबार न्यायाधीश ईश्वरप्रसाद खतिवडा, आनन्दमोहन भट्टराई र तीलप्रसाद श्रेष्ठको पूर्ण इजलासमा उक्त मुद्दा सुनुवाई भएको हो ।