इटहरी : नगर बाल सञ्जाल इटहरीद्वारा आयोजित अन्तर विद्यालय स्तरीय वक्तित्वकला प्रतियोगिता सम्पन्न भएको छ ।
अन्तर विद्यालय स्तरीय प्रतियोगिता युवा विकास केन्द्र भवनमा भएको हो ।
इटहरीका १९ वटा वडाका विद्यालयहरूबाट एक–एक जना विद्यार्थी सहभागी रहेका थिए । विद्यार्थीहरूले वक्तित्वकला प्रतियोगितामा आ–आफ्नो प्रतिभा प्रस्तुत गरे ।
प्रतियोगितामा एसओएस स्कूलकी स्मृति आचार्य प्रथम, जनसयोग माविकी करिस्मा कार्की दोस्रो, पूर्वाञ्चल सेकेन्डरी बोर्डिङ स्कूलकी रिदिमा पौडेल तेस्रो भइन् ।
नगरबाल सञ्जाल इटहरीका अध्यक्ष सविन तिम्सिनाको सभाध्यक्षमा सम्पन्न कार्यक्रममा कोसी प्रदेशकी सांसद मीना श्रेष्ठ प्रमुख अतिथि थिइन् ।
कार्यक्रममा इटहरी वडा नम्बर ७ का वडा सदस्य दीपक घिमिरे, युवा विकास केन्द्रका निर्देशक निराजन खड्का लगायतको उपस्थिति थियो ।
Discussion about this post