इटहरी : धरानमा गोवध हत्या प्रकरणको विरोध गर्दै शनिबार निकालिएको सद्भाव ¥याली कोणसभा गर्दै सकिएको छ ।
शनिबार बिहान करिब ९ बजेदेखि इटहरीमा भेला भएर हिन्दुबादीहरूले प्रदर्शन गरेका थिए ।
धरानमा केही साताअघि गोरु काटेर सामूहिक भोज गरिएको भनेर दाबी गरिएको भिडियो सामाजिक सञ्जालमा प्रसारित भएपछि हिन्दुबादीहरूले सद्भाव ¥याली निकालेका हुन् ।
¥यालीका कारण धनजनको क्षति हुने अनुमान गर्दै जिल्ला प्रशासन कार्यालय सुनसरीले शनिबार धरानमा निषेधाज्ञा गर्ने निर्णय भएको थियो ।
शनिबार बिहानैदेखि धरान प्रवेश गर्ने विभिन्न नाकामा बाक्लो मात्रामा प्रहरी परिचालन गरियो । जसकारण प्रदर्शनमा उत्रिएकाहरू धरान जानबाट बञ्चित भएका थिए । उनीहरूले इटहरी २० स्थित पानीपिया क्षेत्रमा कोणसभा गर्दै ¥याली सकिएको जनाएका छन् । यद्यपि, यो आन्दोलन अब दैनिक जारी रहने बताइएको छ ।
कोणसभामा बोल्दै प्रथम जगतगुरु बालसन्त मोहनशरण देवनाचार्यले प्रशासनले निषेधाज्ञा गर्नुले सरकार डराएको दाबी गरे ।
‘हाम्रो शान्तिपूर्ण ¥याली थियो, तर प्रशासनले निषेधाज्ञा गर्नुले सिंगो सरकार नै डराएको अनुभूत गरेका छौँ,’ उनले भने, ‘हाम्रा दबाबमूलक कार्यक्रम निरन्तर रहिरहन्छ, यो सुरुआत मात्रै हो ।’ उनले आँफूहरूले हरेक तबरबाट शान्तिपूर्ण र अहिंसासहितको आन्दोलन जारी राख्ने उदृत गरे ।
कोणसभामा विभिन्न ठाउँका एक हजार बढीको सहभागी थियो । कतिपय भने प्रशासनको निषेधाज्ञाका कारण बाटोमै अलपत्रसमेत परेका थिए ।
यो पनि – धरान जाने सबै सवारी साधन तरहरामै रोकिए, बाक्लो मात्रामा प्रहरी परिचालन
Discussion about this post