पाँचथर : जिल्ला प्रहरी कार्यालय पाँचथरले विभिन्न मुद्दामा फरारको सूचीमा रहेका चारजना अभियुक्तलाई पक्राउ गरेको छ ।
उनीहरूलाई शुक्रबार साँझ सदरमुकाम फिदिमबाट पक्राउ गरिएको जिल्ला प्रहरी कार्यालय पाँचथरले जनाएको छ ।
पक्राउ पर्नेहरूमा फिदिम १ का २४ वर्षीय आशिष यवा, फिदिम १ का २५ वर्षीय विवेक थेवे, सञ्जय नेम्वाङ र फिदिम १० का संगम थाम्सुहाङ छन् ।
यवा र थेवेलाई अभद्र व्यवहार मुद्दामा जिल्ला प्रशासन कार्यालय पााचथरले २०७१ सालमा दोषी प्रमाणित गर्दै जरिवाना ताकेको थियो । उनीहरूमध्ये यवाबाट ५ र थेवेबाट १० हजार जरिवाना असुल्न प्रशासनले फैसला गरेको थियो ।
यस्तै, नेम्वाङ र थाम्सुहाङ अवैध लागूऔषध ओसारपसार मुद्दामा पक्राउ परेका हुन् । उनीहरूविरुद्ध ब्राउनसुगर ओसारपसार मुद्दा दर्ता भएको थियो ।
मुद्दा दर्ता भएपछि गत साउनदेखि फरार उनीहरूलाई सदरमुकाम फिदिमदेखि पक्राउ गरिएको जिल्ला प्रहरी कार्यालय पााचथरका सूचना अधिकारी सुमित कुशवाहाले बताए ।
उनीहरूलाई तोकिएको सजाय भुक्तानका निम्ति कारागार चलान गरिएको छ ।
Discussion about this post