विराटनगर : विराटनगर २ सोमबारेमा राष्ट्रिय विभूति योगमायाको अर्धकदको शालिक अनावरण गरिएको छ ।
शालिकको विराटनगर महानगरपालिकाकी कार्यबाहक मेयर शिल्पा निरौला कार्कीले बिहीबार एक समारोहबीच अनावरण गरेकी हुन् ।
राणा शासनकालमा देशमा भएका अन्याय, अत्याचार, भ्रष्टाचार, जातीय भेदभाव, छुवाछुत, नारीमाथि गरिने अन्याय, शोषण, सामन्तवाद, सतिप्रथाजस्ता विकृति र विसंगतिविरुद्ध आवाज उठाउने योगमाया उदाहरणीय नारी हुन् ।
योगमाया नारी जागरणको अभियन्ता मात्रै नभएर आदर्शसमेत भएको कार्कीको भनाइ छ । योगमायाले परिकल्पना गरेको समाज अझै निर्माण हुन नसकेको भन्दै उनले अझै पनि समाजमा लैंगिक, जातीयलगायतका विभेदहरु कायमै रहेको उल्लेख गरिन् ।
वि.र्सं. १९९८ असार २१ गते योगमायासहित ६८ जना नारीले अरुण नदीमा जलसमाधी लिएका थिए ।
Discussion about this post