धरान : धरान उपमहानगरपालिकामा क्रियाशील पाँच राजनीतिक दलहरूले मेयर हर्क साम्पाङ अराजकता, मनोमानी र उदण्डतामा प्रस्तुत भएको बताएका छन् ।
साम्पाङ निरन्तर रूपमा उदण्डताको बाटोमा प्रस्तुत भएको बताएका हुन् ।
आफ्नो कार्यकक्षमा राखिएको राष्ट्रपति रामचन्द्र पौडेल र प्रधानमन्त्री पुष्पकमल दाहाल (प्रचण्ड)को तस्बिर हटाएर यलम्बरको तस्बिर राखेपछि धरानका पाँच राजनीतिक दलहरूले ध्यानाकर्षण भएको जनाएका छन् ।
संयुक्त प्रेस विज्ञप्ति जारी गदै नेपाली कांग्रेस, नेकपा एमाले, नेकपा माओवादी, जसपा र एकीकृत समाजवादी पार्टीले मिलेर बसेको समाजलाई विभाजित गर्ने काम भएको समेत बताएका छन् ।
दलहरूले धरान उपमहानगर प्रमुखबाट सङ्घीय लोकतान्त्रिक गणतन्त्र नेपालको प्रणालीमाथि गम्भीर प्रहार भएको बताएका छन् ।
यसै प्रणालीलाई टेकेर संविधानको ठाडो उलङ्घन गर्ने कार्य गरेको ठहर भएको विज्ञप्तिमा उल्लेख छ ।
‘राज्य र राज्यका निकायहरू लोकतान्त्रिक मूल्य र मान्यताको आधारमा सञ्चालन हुने व्यवस्थाबाट नै हालमा तीन तहका सरकारहरू सञ्चालन भइरहेको छ । २०७९ को स्थानीय निर्वाचन पश्चात् धरान उपमहानगरपालिकामा स्वतन्त्र व्यक्तिले उपमहानगर प्रमुखको रूपमा जिम्मेवारी निर्वाह गरी रहेको छ,’ विज्ञप्तिमा भनिएको छ, ‘उपमहानगरपालिकाका प्रमुखले आफ्नो कार्यकक्षको भिल्लामा राखिएको राष्ट्र प्रमुख राष्ट्रपति र कार्यकारी प्रमुख प्रधानमन्त्रीको तस्बिर हटाएकोप्रति हाम्रो गम्भीर ध्यानाकर्षण भएको छ ।’
मेयर साम्पाङले बिहीबार आफ्नो कार्यकक्षबाट राष्ट्रपति र प्रधानमन्त्रीको तस्बिर हटाएर किराती राजा यलम्बरको तस्बिर राखेका छन् ।
यो पनि – धरानका मेयर हर्क साम्पाङले राष्ट्रपति र प्रधानमन्त्रीको फोटो हटाएर यलम्बरको फोटो राखे
Discussion about this post