इटहरी : सुनसरीको भोक्राहा–नरसिंह गाउँपालिका ४ स्थित पूर्व–पश्चिम राजमार्गमा सवारी दुर्घटना हुँदा एकजनाको मृत्यु भएको छ ।
पूर्वबाट पश्चिमतर्फ जादै गरेको बा ६६ प ४१९२ नम्बरको मोटरसाइकल र विपरीत दिशाबाट आउँदै गरेको प्रदेश १–०२–०५ प ३४३२ नम्बरको मोटरसाइकल एकापसमा ठक्कर भएर दुर्घटना हुँदा ३४३२ नम्बरका मोटरसाइकल चालक वीरेन्द्र कुमार साहको मृत्यु भएको हो ।
दुर्घटनामा घाइते भएका उनको उपचारको क्रममा जिल्ला अस्पताल इनरुवामा मृत्यु भएको प्रहरीले जनाएको छ ।
दुर्घटनामा परी घाइते भएका अर्का मोटरसाइकल चालक २६ वर्षीय भइसन तामाङ र पछाडि सवार २३ वर्षीय विल्सन राईको उपचार भइरहेको जिल्ला प्रहरी कार्यालय सुनसरीले जनाएको छ ।
घटना सम्बन्धमा थप अनुसन्धान भइरहेको प्रहरीको भनाइ छ ।
Discussion about this post