तरहरा : तरहरा जेसीजको २६ औं पदस्थापन शुक्रबार सम्पन्न भएको छ ।
तरहरा जेसीजमा पहिलोपटक महिला अध्यक्ष बनेकी रीता भुसालले पदभार ग्रहण गरेकी हुन् । भुसाल नेतृत्वको नयाँ कार्यसमितिले शुक्रबार तरहरास्थित रुद्राक्ष पार्टी प्यालेसमा एक कार्यक्रमबीच पदस्थापन ग्रहण गरेको हो ।
भुसाललाई तरहरा जेसीज वर्ष २०२३ का अध्यक्ष बहादुर तामाङले पदभार ग्रहण गराए । तरहरा जेसीजको स्थापनाकालदेखि हालसम्म पहिलोपटक उनै भुसाल मात्रै महिला अध्यक्ष बन्न सफल भएकी हुन् । उनी केही साताअघि सर्वसम्मत अध्यक्ष बनेकी थिइन् ।
समितिको कार्यकारिणी उपाध्यक्षद्वयमा मदन बस्नेत र सुरज लामा, उपाध्यक्षहरूमा सुमन रेग्मी, सोनिया बस्नेत, गोविन्द घिमिरे र किरण साह, सचिवमा सञ्जना पण्डित र जनसम्पर्क अधिकारीमा सुजित कर्ण रहेका छन् ।
यसैगरी नवनिर्वाचित अध्यक्षले मनोनीत गर्ने पदहरूमा कानुनी सल्लाहकार सन्तोष पुरी (सुशान्त), महासचिवमा उत्तम गिरी र कोषाध्यक्षमा वसन्त घिमिरे चयन भएका छन् ।
साथै, उक्त कार्यक्रमको अवसर पारेर वर्षभरीका विभिन्न उत्कृष्ट कार्यक्रम गर्ने जेसीज सदस्यहरूलाई पुरस्कृत समेत गरिएको छ ।
कार्यक्रममा सुुनसरीका प्रमुख जिल्ला अधिकारी जयनारायण आचार्य प्रमुख अतिथि रहेका थिए । उनले जेसीजको सिकाईले समाजमासमेत लगानी गर्नुपर्ने बताए ।
Discussion about this post