इटहरी : कोसी प्रदेश प्रहरी कार्यालय प्रादेशिक अनुसन्धान समूहबाट खटिएको प्रहरी टोलीले लागूऔषध र चोरी मुद्धाका एक जना फरार प्रतिवादीलाई पक्राउ गरेको छ ।
लागूऔषध र चोरी मुद्धामा सुनसरी जिल्ला अदालतको मिति २०७८।०९।०९ गते र मिति २०७९।०३।२८ गतेको सजाय निर्धारण फैसला आदेशले लागूऔषध मुद्धामा ६ महिना २४ दिन कैद र चोरी मुद्धामा ८ महिना २ दिन कैद, नगद २० हजार रुपैँया जरिवाना तथा लागूऔषध मुद्धामा धनकुटा जिल्ला अदालतको मिति २०७२।१२।०३ गतेको सजाय निर्धारण फैसलाले १० महिना ८ दिन कैद र नगद ४ हजार रुपैँया जरिवाना बेरुजु रही फरार रहेका युवकलाई पक्राउ गरिएको हो ।
पक्राउ पर्नेमा धरान उपमहनगरपालिका १६ स्थायी घर भइ हाल इटहरी उपमहानगरपालिका १ आँपगाछीस्थित बस्दै आएका ३२ वर्षीय जोन भन्ने टार्जन मगरलाई खोजतलास गर्ने क्रममा गाँउघरमा नै लुकिछिपी बसिरहेको अवस्थामा फेला पारी पक्राउ गरेको हो ।
पक्राउ परेका उनलाई सुनसरी जिल्ला अदालत उपस्थित गराईएको तोकिएको कैद तथा जरिवाना भुक्तानको लागि झुम्का कारगार पठाइएको प्रहरीले जनाएको छ ।
Discussion about this post