काठमाडौं : राष्ट्रियसभाको अध्यक्षमा माओबादी केन्द्रका नारायणप्रसाद दाहाल निर्वाचित भएका छन् । निर्वाचित भएसँगै उनले शपथ ग्रहण गरेका छन्।
मंगलबार राष्ट्रपति भवनमा राष्ट्रपति रामचन्द्र पौडेलसमक्ष दाहालले शपथ ग्रहण गरेका हुन्।
संघीय संसद भवन नयाँ बानेश्वरस्थित राष्ट्रिय सभा बैठकमा मंगलबार दिउँसो भएको निर्वाचनमा दाहाल निर्वाचित भएका थिए।
नेपाली कांग्रेसका उम्मेदवार रहेका सांसद युवराज शर्मालाई पराजित गर्दै माओवादीका सांसद दाहाल राष्ट्रिय सभा अध्यक्ष निर्वाचित भएका हुन्।
दाहाललाई राष्ट्रिय सभा अध्यक्ष पदमा निर्वाचित गरियोस् भन्ने प्रस्तावका पक्षमा ३९ मत परेको थियो भने विपक्षमा १७ मत परेको थियो। मंगलबार राष्ट्रिय सभा बैठकमा ५६ जना सांसद उपस्थित थिए।
दाहाललाई माओवादी, एमाले, एकीकृत समाजवादी र जसपाको समर्थन थियो। कांग्रेसका शर्मालाई लोसपाले साथ दिएको थियो।
Discussion about this post