सुनसरी : सुनसरीको बराहक्षेत्र नगरपालिकाका १ स्थितमा रहेको प्रहरी चौकी बराहक्षेत्रको नवनिर्मित भवनको उद्घाटन भएको छ ।
बुधबार कोशी प्रदेश प्रहरी प्रमुख प्रहरी नायव महानिरीक्षक (डीआईजी) चन्द्र कुवेर खापुङको प्रमुख आतिथ्यता तथा बराहक्षेत्र नगरपालिकाकी उपप्रमुख नन्दकुमारी सुनुवारको अध्यक्षतामा नवनिर्मित प्रहरी चौकीको शिलालेख अनावरण गरिएको हो ।
कार्यक्रमलाई सम्बोधन गर्दै प्रदेश प्रहरी प्रमुख खापुङले धरतीको पहिलो तीर्थस्थल बराहक्षेत्रमा प्रहरी चौकी बराहक्षेत्रको नवनिर्मित भवन निर्माण सम्पन्न भई उद्घाटन भएकोमा निर्माण कार्यमा सहयोग पुर्याउनेहरूलाई धन्यवाद व्यक्त गरे ।
साथै, जनस्तरमा प्रहरीले प्रदान गर्ने शान्ति, सुरक्षा तथा अपराध नियन्त्रण कार्यमा जनचाहना बमोजिमको प्रहरी सेवा प्रदान हुनेमा विश्वास दिलाए ।
भवनको उद्घाटन कार्यक्रममा कोशी प्रदेश प्रहरी कार्यालय विराटनगर भौतिक पूर्वाधार शाखाका प्रहरी उपरीक्षक आर्किटेक हरी डंगोलले भवन निर्माण सम्बन्धी प्रतिवेदन प्रस्तुत गरेका थिए ।
कार्यक्रममा जिल्ला प्रहरी कार्यालय सुनसरीका प्रमुख प्रहरी उपरीक्षक सुमनकुमार तिम्सिनाले मन्तव्य राख्दै शान्ति, सुरक्षा प्रदान गर्न सुनसरी प्रहरी सचेत रहेको बताए ।
नेपाल सरकारको तीन करोड १९ लाख ४० हजार रुपैयाँको लागतमा साढे दुई तले भवन निर्माण भएको हो ।
Discussion about this post