विराटनगर : रोजगारदाता र रोजगारीको खोजीमा रहेका युवाहरूलाई जोड्ने उद्देश्यले विराटनगर महानगरपालिकाले दोस्रोपटक ‘महानगर रोजगार मेला’ आयोजना गर्ने भएको छ ।
महानगरले आगामी पुस १ र २ विराटनगरस्थित वीरेन्द्रसभा दक्षिणमा अवस्थित ‘इको पार्क’मा मेला आयोजना गर्न लागेको हो ।
मेयर नागेश कोइराला, उपमेयर शिल्पा निराला कार्कीलगायतको उपस्थितिमा मंगलबार महानगरले निजी क्षेत्र छलफल र स्वरोजगारवालाहरूसँग छलफल गरेको छ ।
छलफलमा नेपाल उद्योग वाणिज्य महासंघ कोशी, नेपाल उद्योग परिसंघ, उद्योग संगठन मोरङ, मोरङ उद्योग व्यापार संघ, विराट व्यापार संघ, तालिम प्रदायक महासंघ, होटल व्यवसायी संघलगायतका प्रतिनिधिहरुको उपस्थितिमा छलफल भएको थियो ।
सहभागीहरुले मेला सफल बनाउन सबै किसिमको सहयोग गर्न तयार रहेको प्रतिबद्धता जनाएका थिए ।
मेलामा ३० वटा स्टल रहने महानगरको रोजगार शाखाका कर्मचारी कपिल थापाले जानकारी दिए ।
Discussion about this post