इटहरी : हिसान स्पोर्टस् मिट अन्तर्गत हिसान एन्फा सुनसरी कप अन्तर विद्यालय फुटबल प्रतियोगिताको मंगलबारको खेलमा विजयी हुँदै पूर्वाञ्चल, एम्स, धरान मेघा र विश्व आदर्श कलेज क्वाटरफाइनलमा प्रवेश गरेका छन् ।
मंगलबारको पहिलो खेलमा पूर्वाञ्चल कलेजले धरान आदर्शलाई पेनाल्टी सुटआउटमा ३–२ गोल अन्तरले पराजित गरेको छ ।
दोस्रो खेलमा एम्स एकेडेमीले सुनाखरी कलेजलाई ४–० गोल अन्तरले पराजित गरेको छ ।
अर्को खेलमा धरान मेघा हिमालयन कलेजले ग्रिनपिस स्कुललाई पेनाल्टी सुटआउटमा ५–४ गोल अन्तरले पराजित गरेको छ ।
मंगलबारको अन्तिम खेलमा विश्व आदर्श कलेजले स्मल हेभन कलेजलाई ४–३ गोल अन्तरले पराजित गर्दै क्वाटरफाइनल पुगेको प्रतियोगिता संयोजक एवंम एन्फा सुनसरी महासचिव कोबिदजंग कार्कीले जानकारी दिए ।
क्रिकेटमा सुष्मा र नमुना कलेज विजयी
उच्च शिक्षालय तथा माध्यमिक विद्यालय संघ हिसान सुनसरीको स्पोर्टस् मिट अन्तर्गत क्रिकेट प्रतियोगितामा सुस्मा कलेज र इटहरी नमुना कलेज विजयी बनेका छन ।
मंगलबार भएको पहिलो खेलमा सीबी कलेज नआएपछि सुष्मा कलेज वाकओभर पाएर विजयी बनेको छ ।
दोस्रो खेलमा इटहरी नमुना कलेजले कोशी सेन्ट जेम्स कलेजलाई ९ रनले पराजित गरेको छ ।
टस जितेर पहिला ब्याटिङ गरेको नमुनाले निर्धारित १२ ओभरको खेलमा ८ विकेट गुमाउँदै ७७ रन जोडेको थियो ।
७८ रनको विजयी लक्ष्य पछ्याएर जवाफी ब्याटिङ गरेको कोशी सेन्ट जेम्सले ९ दशमलव ३ बलमा सबै विकेट गुमाउँदै ६९ रन मात्र बनाउन सक्यो ।
Discussion about this post