झापा : झापामा श्रीमतीको हत्यापछि एक पुरुषले आफ्नै घाँटी रेटेका छन् ।
जिल्लाको कनकाई नगरपालिका ५ नारायणदल चौकमा श्रीमतीको हत्या गरी ती पुरुषले आफ्नै घाँटी रेटेका हुन् ।
स्थानीय ४० वर्षीय लालबहादुर मग्रातीले ४० वर्षीया श्रीमती मनिसा मग्रातीको हत्या गरेका हुन् ।
दम्पतिबीच घरझगडा हुँदा श्रीमतीको हत्या गरी आफ्नो घाटी रेटेर आत्महत्या प्रयास गरेको प्रहरीको प्रारम्भिक अनुसन्धानबाट खुलेको छ । घाँटी रेटेर लालबहादुर घाइते भएका छन् ।
लालबहादुर ओछ्यानमै घाइते अवस्थामा सुतिरहेको र श्रीमती मृत अवस्थामा फेला परेको इलाका प्रहरी कार्यालय सुरुङ्गाले जनाएको छ ।
हाल लालबहादुरलाई प्रहरीको निगरानीमा बिर्तामोडस्थित बी एण्ड सी अस्पतालमा उपचार भइरहेको छ ।
उनले श्रीमतीको हत्या गरेको स्वीकार गरेका छन् । घटनाबारे थप अनुसन्धान भइरहेको प्रहरीको भनाइ छ ।
Discussion about this post